නියෝජ්‍ය විදුහල්පති පණිවිඩය

මානවයා අවශේෂ සත්වයන්ගෙන්  වෙනස් වන ප්‍රමුඛතම ලක්ෂණයක් වනුයේ දැනුම හා ප්‍රඥාව මිනිසා තම ජීවිතයට සමීප කරගන්නට ඉමහත් අශාවක් දක්වන නිසාවෙනි.මේ සහජමය ගති ලක්ෂණය වඩාත් තීව්‍ර වනුයේ සමාජයේ සංවිධිතව පවත්නා අධ්‍යාපන රටාව හේතුවෙනි. මෙහිදී ප්‍රමුඛ කාර්යය භාරයක් ඉටු කරනුයේ පාසල් පද්ධතියයි.

පාසැල ප්‍රධාන වශයෙන්ම ශිෂ්‍ය පරම්පරාව මුල්තැන ලබා දෙන්නා වූ ගෞරවාන්විත ස්ථානයකි. ගුරු පරම්පරාව වන අපි ඒ යථාර්ථය සිත්හි තබා ගෙන සිසු පරපුරට දැනුම හා ප්‍රඥාව පමණක් නොව ජීවිත අඩිතාලම ද දමන පුරෝගාමීන් වෙමු.

මෙතැනදී දරුවන් මෙන්ම ඔවුන්ගේ දෙමාපියන් ඇතුළු භාරකරුවන්ටද හිමි වනුයේ වැදගත් ස්ථානයකි. දරුවාගේ ගුණ නුවණ ද වඩවාලමින් දේශයට හිතැති පරපුරක් බිහි කරන්නට ගුරු පරපුරට ඔවුනගේද  දැඩි කැප වීම අත්‍යාවශ්‍ය වේ. මේ නිසා යහපත් දැනුමෙන් මෙන්ම මනුෂ්‍යත්වයෙන් ද පිරුණු ශිෂ්‍ය පරපුරක් වෙනුවෙන් අප සියල්ල කැපවෙමු.

නියෝජ්‍ය විදුහල්පති

අධ්‍යාපන සංවර්ධන

යූ.ජී.පී.සිරිකුමාර